Lirnghingin in 3218 sawichhia

Manipur State Chief Secretary O Nabakishore chuan February ni 10 khan thuthar thehdarhtu te kawmin, January ni 4-a magnitude 6.8-a naa lirnghing khan Manipura-ah in dinglai 3000 chuang a sawi chhiat thu leh nunna chan mi sawm an awm thu a puang.

Lirnghing hi Senapati district-in a tuar na ber a, in 600 chuang a tihchhiat bakah bungrua engemawzat a tichhe bawk. Senapati district bakah hian Tamenglong leh Imphal West districts te chu a tuarna zingah hian an tel.

Nabakishore chuan nunna chan chhungkaw paruk hnenah cheng nuai 4 ṭheuh an pek an nih thu leh in leh lo chan chhungkua te tan zangnadawmna sorkar laipuiah an dil thu a sawi. Chhiat tawkte chhawmdawl nan hian sorkar laipui chuan cheng vaibelchhe sawm a pe a, he
ṭanpuina hi tlang rama awm te tan chhungkaw khatah nuai khat
ṭheuh pek an nih thu leh phaizawl-a awm ten Rs 90,000 ṭheuh an dawn thu a sawi. Manipur sorkar chuan lirnghing natna bial mipuite chhawmdawlna tur mamawh zualpui te a tum sak dawn a ni

Report-a a lan dan chuan lirnghing vang hian nunna chan mi 10 leh hliam tuar mi 120 an awm a, chenna in chhia 3218, school building 248, community building 106 leh sorkar building 60 chhian a awm. Manipur sorkar chuan heng in leh lo din thar leh mek te hi electric, tui supply leh mamawh dangte pek a tiam a ni.