Meghalaya Assembly-in lehkhapuan hman titawp dawn

Meghalaya Assembly Speaker Abu Taher Mondal chuan kumin favangah hian Meghalaya Assembly ah lehkhapuan tello a hnathawh tum a nih thu a sawi a, hei hi hmarchhak state-a hmasa ber tur a ni ang.

Mondal chuan, "Kumin favang Assembly session chu lehkha puan tel miah loin neih tum a ni. Technology hmang ṭangkaiin,
ṭha zawk leh langtlang zawka hnathawh theih kan beisei" a ti.

Rajasthan Assembly in an kalpui mek chu fakin, "An hnen aṭangin software hman tur pawh kan nei tawh a, kan IT mithiamten keimahni milin hman theih turin an siam ṭha mek a ni. Siam danglam hna hi zaa 80 zet an zo tawh a ni" tiin a sawi.

Zawhna leh chhanna te hi lehkhapuana her-chhuah a ni tawh lo ang a, National Informa-tics Centre (NIC) ten an duan angin computer-ah dahluh zel a ni dawn a ni.