Naga CM-in SWMF a hawng

Nagaland Chief Minister T.R. Zeliang chuan Lerie hmunah Solid Waste Management Facility (SWMF) kalpuina tur a hawng.

SWMF hawnna inkhawma thu a sawiah, CM chuan hun rei tak bawlhhlawh avanga Kohima buaina tawh ṭhin chu hmalakna thar hian a chingfel dawn a, mipuite thawhpuina zarah KMC in a kengkawh dawn tih a sawi.

CM chuan, "Tunlai thiamna ṭha ber ber nen bawlhhlawh paih dan mumal zawk kalpui a ni ang a, Kohima khawpui bawlhhlawhte thenfai zel tum a ni" a ti.

Tui thianghlim hnianghnar leh power supply duhkhawp neih loh chu pawi a tih thu Zeliang chuan a sawi a, SWMF hmang hian Kohima khawpui hi smart city ṭha zual 20 zinga hlankai tum a ni tih a sawi bawk.

Zeliang chuan Kohima Muni-cipal Corporation chu bawlhhlawh khawnkhawm lamah rang tak leh ṭha taka thawk turin a chah. Naga mipuite pawh thianghlim leh faina kawng zawha nunphung uluk turin a ngen. Mi tam tak sawisel, Dimapur Burma camp sira bawlhhlawh chhekkhawl tam lutuk tihbo nan camp chu hmun danga sawn a nih tur thu a sawi.

Khualzahawm S.I. Jamir pawhin thu sawiin, bawlhhlawh ṭawih thei leh ṭawih thei lo senghawia khawnkhawm tur hian sorkarin lirthei a ruahman fel tawh a, hmarchhak state-ah Kohima hi khawpui bawlhhlawh senghawi dan mumal nei hmasa ber a ni, a ti. Kohima khawpuia tui indaih lohna tireh turin sorkar chuan theih tawp a chhuah mek tih a sawi bawk.