AASU ten hrem phut

All Assam Students’ Union (AASU) chuan diklo taka National Register of Citizens (NRC)-a hming pe lutte chu dan anga hrem an phut. AASU chief adviser Samujjal Bhattacharya chuan, "Assam ram chhunga cheng ramdang mi engemawzatin Natio-nal Register of Citizens-ah India khua lehtui nih tuminhming an pe lut a, hei hi thil ṭhalo tak a nih thu leh sorkar pawhin dan anga danloa thil tiitute zawng chhuaka hremna pe ngei turin kan ngen a ni " a ti. Document diklo hmanga mi tam tak vote neih tum an awm tih sawiin, officer te leh an hnuaia hnathawkte fimkhur turin kan ngen a, NRC-ah hian ram leilung fate hming chauh a chuang tur a ni, a ti.

Zirlai pawl chuan Sadou Asom Karmachari Parishad (SAKP) hruai-tute leh Deputy Commissioner te pawh he mi chungchang hi an sawi pui tawh tih sawiin, NRC-a hnathawktute chu venhimna tha zawk pe turin thu neitu te an ngen bawk. AASU te chuan sorkar laipui chu heng thil thleng endik tur hian observer tir thuai turin an ngen a, he thil thleng hian Election Commission beng pawh a thleng tawh a ni. Assam-ah hian ram-dang atanga phalna neiloa khawsa mi engmaw zat an awm mek.