Court-in degree lem thubuai vangin Nagaland CM ko

Nagaland Chief Minis-ter TR Zeliang chu inthlan dawna affidavit a thehluh leh official lehkha danga a zirna tarlan felhlel chung-changah Court-in a ko.

Chief Minister TR Zeliang hi college degree a neih dan a felhlel niin puh a ni a, inthlan dawna lehkha pawimawh thehluh leh official record-ah te graduate lo chunga gra-duate anga inziakah puh a ni. Kum 1979-a graduate final exam a beih khan a fail nia hriat a ni.

Nagaland khua leh tui Maziezokho Nisa chuan CM qualification chungchangah hian Kohima court-ah com-plaint a thehlut a, court chuan January 7 khan CM hi a qualification chungchang sawifiah turin a ko tawh a ni.

Nikum November 9 khan Judicial Magistrate (First Class) Tucuno Vamuzo chuan Kohima College registrar leh Northeastern Hill Uni-versity-a registrar chu court-ah inlan tura koin, Naga People’s Front (NPF) hruaitu zirna quali-fication neihte thehlut turin a hriattir tawh bawk.

November 30 khan lehkha pawimawh an neihte hi court-ah an phochhuak a, thuhretute pawh koh an ni.

Court chuan registrar-te thu thehluh hi December 7 khan endik a nih thu sawiin, Tadotui Zeliang chuan Roll No 598 hmangin kum 1979 khan BA a exam ngei a, mahse subject zawng zawngah a fail a ni, a ti. Kum 1980 ah TR Zelianga a hmingin NEHU hnuaia BA exam an awm lo bawk. Tadotui Zeliang hming hian NEHU hnuaiah kum 1975-76 khan registartion No. A0004 neiin ziah luh a ni a, register ah pawh 4/9/1975 khan registrar hian a hming a ziahhnan a ni tiin a sawi.

Judge chuan, '"He-tiang a nih avang hian CrPC Section 469 (b) (2) leh Section 473 bawh-chhiatna awm ngeia ngaiin, rorelna dik kalpui anih theih nan thil diklo tia puh hi January 7, 2016 ah inlan turin ka hriattir e" tiin thu tlukna a siam a ni.

Nagaland Chief Minis-ter chauh hi buaina tawk a ni lo a, Goa PWD minister Sudin Dhavalikar pawh degree lem a hmang niin puh a ni.

Nagaland Pradesh Congress Committee chuan degree lem hmanga CM puh a ni chu hriat-thiam har an tih thu sawiin, Nagaland Legis-lative Assembly record a lan danin Chief Minister hi kum 1979 khan Kohima Arts College aṭangin BA a pass nia tarlan a ni, a ti. Mahse, RTI hmanga zawhna ah chuan kum 1979 khan BA exam-naah CM hi subject zawng zawngah a fail ngei a, kum 1980 ah a exam tawhlo nia tarlan a ni thung.

Eptu pawlte hian Go-ver-nor chu inquiry committee din tur leh, form 26 hnuaia Affidavit a thehluh hi a dik ngei em tih chhuichiang tura an phut an sawi.