India leh Japan-ten Inremna thuthlung ziak

Japan International Cooperation Agency (JICA) leh India sorkar chuan highway, a bikin tlangram inkal pawhna siam belh turin thutlung an ziak. Thawhhonain a tum ber chu Ministry of Road Transport & Highways (MoRTH), National High-ways Authority of India (NHAI), Natio-nal Highways & Infrastructure Development Corporation Limited (NHIDCL) leh State-level Public Works Departments(PWDs) te hnathawh tihchaka, a tul anga thawho a ni.

He hmalakna hian North East, Uttarakhand, Himachal Pradesh leh Jammu & Kashmir te a huam ang. Heng tlang-ram hmunah te hian inkalpawhna kawngpui tha zawk siam a,chak zawka hmasawna thlen tir te, technology changkang zawk hmanga tunnel leh bridge him leh ṭha zawka siam belh a tum a ni. Kum 1990 aṭang khan JICA leh MoRTH te chu an lo thawkdun tawh a, India ramah pawh hmasawnna tam tak an thlen tawh.

Sakamoto chuan, "Inkal pawhna ṭha hian hma sawnna tam tak a thlen a, economy mai nilo inpum khatna ṭha a thlen a ni" a ti. Japan International Cooperation Agency te hian Japan
aṭangin mithiam Indian Academy of Highway Engineer te zirtirna pe turin a tir dawn. He inremna-ah hian Takema Sakamoto, Chief Representative, JICA India Office leh Niraj Verma, Joint Secretary, Ministry of Road Transport & Highways, Government of India ten inremna thuthlung hi an ziak a ni.