Meghalaya CM Car sutu man a ni

Meghalaya-a Tourist Sumo khalhtu Jeskalur L Mawdoh (25) chu Chief Minister Mukul Sangma chuanna lirthei a sut avangin Section 307 IPC hnuaiah tualthah tum thubuai awrhtir a ni. Kar kalta Zirtawpni khan Mawhoh hi police te chuan ni thum kawl turin an la hrang.

Meghalaya CM hi Ningani khan a driver P. Lyngdoh chuan Upper Shillong aṭanga helipad a panpui laiin 3rd Mile bulah khualzin phur sumo hian a su thawi a, CM car hi tlem a chhia a, hliam tuar an awm lo.

Khualzin phur sumo hi Lumdiengjri police station-ah hren niin, CM car erawh endik a nih hnuah chhuah a ni.

Chief minister’s security-a inspector Smith Mawphniang chuan FIR a thehlut. Mawphniang chuan pilot car te chuan sumo hi ding turin an ti a, mahse CM motor lamah hian a tlan tlang lui a,a su ta niin a sawi. VIP te himna a tihderthawn avangin suo moto case angin IPC Section 307 hnuaiah driver hi man a ni.

Police te chuan lirthei khalhtu hi an dawp mek a; ding tura hrilh a nih hnua a din loh vangin, tum reng vanga su a ni ngei em tih hriatchhuah an tum.

Sumo driver hren tak aiawha ding Ukil chuan IPC section 307 hnuaia hren a ni chu a dem thu sawiin, Motor Vehicles Act Section 207 hnuaia man tur ni zawka a hriat thu a sawi. Sumo driver ukil chuan Motor Vehicle Inspector (MVI) in report a thehluh dan chuan dawngdah tak leh mumal loa lirthei khalh vang zawk a ni a,mahse police te chuan Motor Vehicle Act hnuaia ziak lut duh loin IPC section 307 an hmang lui mai mai a ni, a ti. Ukil hian vawiinah bail a dil dawn a, driver lakah hian dik taka rorel a nih a beisei thu a sawi.