New Delhi-ah Hmarchhak pualin hunpui hman a ni

Kar hmasa Zirtawpni khan Hmarchhak ramte hnam ziarang, nunphung leh ei leh bar lama an hausakzia pholanna hun, ‘Destination North East 2016’ chu New Delhi ah Minister for DoNER Jitendra Singh-an a hawng. Minister of state for Home Kiren Rijiju pawhin a hman pui bawk. He hunpui hian ni thum a awh a ni.

‘Destination North East 2016’ in a tum ber chu hmarchhak bial hausakna, hnam ze hrang dang dai leh hmuhnawm tak, mi chengte dangdai bikna thuruk phochhuah a, phaitual lam nen inzawmna ṭha zawk neih a ni. He hunpuiah hian hmarchhaka hnam hrang hrangte zai leh rimawi, lam hmuhnawm tak tak, hnam incheina, rimawi lama an thiamna te leh incheina pholan a ni.

Thil inhriatsiak te, lama inelna, zai (khaw-thlang rimawi leh tunhma rimawi lar ṭhin) inelna te chu sikul naupang tan buatsaih a ni. He hunah hian Ministry of Development of North Eastern Re-gion chuan eizawnna huang hrang hrang - tourism, agriculture, food processing, skill development and entre-preneurship, IT, hand-loom and handicrafts, livelihood, micro-finance ah te inrawnkhawmna a buatsaih bawk.