Bomb puakah pahnih hliam

15th February, 2016

Kar kalta Zirtawpni khan Manipur khawpui, Imphal bulah bomb a puak a, mi pahnih in hliam na tak an tuar tih police-te chuan an sawi.

Hliam tuar pahnihte hi Imphal East district, Sawombug khaw bula lei dawh hna thawktute an ni.

Hliam tuar pahnihte hi Jabikal Islam (25) leh Jahrudin (30), Assam lam mi an ni a, damdawi inah enkawl mek an ni.

Bomb tihpuah hi improvised explosive device (IED) nia hriat a ni a, ralkhat aṭangin remote hmanga tihpuah a ni. Bomb tipuaktute hi tun thlengin hriat an nilo.