Gogoi-a'n White paper tlangzarh

State finance Staff Report-in a tarlan danin nimin khan Assam Chief Minister Tarun Gogoi chuan White Paper a tlangzarh.

Gogoi chuan, "Na-tional Democratic Alliance (NDA) ten sorkar-na an siam khan, Assam state chuan harsatna tam tak a paltlang a, a hnuah United Progressive Alliance (UPA) rawn lang ve lehin hma-sawnna tak tak chu kan hmu tan ta a ni" a ti. Gogoi chuan sorkarna an chelh hnuah hmasawnna tam tak hmuh tur a awm tih sawiin, state thawhchhuah a pun thu leh sum lak luh pawh nasa takin a thang a ni a ti.

14th Finance Commi-ssion hnuaiah India rama state tinte sum hmuh chu za zela 32 atangin 42-ah a pung tih sawiin, mahse, hei hian hnam hnuihnung zawk leh tlangrama chengte tan hamthatna tur a keng telo a ni a ti bawk. He thil chung chang hi Prime Minister, Union Finance Minister leh NITI Aayog-ah thlen a ni ang a ti. UPA rorelna hnuaiah kum 2014-2015 khan Assam chuan sorkar laipui aṭanga sum a hmuh chu cheng vaibelchhe 18,000 a nih thu sawiin, tuna sorkarna chang mek NDA hnuaia an sum hmuh chu cheng vaibelchhe 12,507.85 chauh a ni, a ti. He mi chungchang hi sorkar laipui nena sawiho a duh thu a sawi bawk.