President’s Rule hnuaiah Dan leh thupekin hma a sawn

Arunachal Pradesh Director General of Police S Nithiyanandam chuan an state-a President’s Rule puan a nih hnuah dan leh thupek tha taka ken kawh a nih thu leh a bik takin khawpuiah te dan tha ṭaka zawm a nih thu nimin khan a sawi.

Kum 2014-2015 chhunga thubuai za zela sawmruk pahnih chu chinfel a ni tawh tih sawiin, "Hei hi hmasawna chhuanawm tak a ni a, kuminah chuan hei aia tha zawk beisei a ni" tiin Police hotu chuan a sawi. Kum 2014-2015 chhung khan thubuai zaa sawmnga ziah luh a ni a, hei hi a kum hmasa aiin a tam zawk a ni. Mahse, hei hi mihring pun chak dan chhut chuan a tlem zawk tih DGP chuan a saw a, "Mipui kan ṭanrual chuan sualna hi a tlem sawt ang a, mipui pawh kan ralmuang dawn a ni" a ti bawk.

S Nithiyanandam chuan,"Kalphung thlak thut chuan dan leh thupek kenkawh kawngah harsatna a thlen a, mahse ngaiah kan nei thuai ang. Mipuite zirtirna pek ṭhat a ṭul a, chu chuan rah
ṭha a chhuah ang" a ti.