Meghalaya official language atan Khasi ṭawng hman duh

Khasi Authors' Society (KAS) chuan Meghalaya chief minister Conrad K Sangma kawmin, Khasi ṭawng chu Meghalaya state ṭawng atana puang turin an ngen.

KAS president DR Nonglait chuan KAS-te'n chief minister an kawmnaah hian an state tana thil pawimawh tak tak pahnih an sawipui thu a sawi.

Chief Minister hnena thil pahnih an ngen zingah Khasi ṭawng chu Meghalaya state official language zinga mi a la nih reng avangin official language atana puang turin an ngen thu sawiin,"Engtin nge kan pianpui ṭawng hi official language anga hman theih chauh nge a nih theih? Chief Minister hi Meghalaya Language Act, 2005 siam ṭha turin kan ngen a ni," an ti. KAS te chuan Garo hnamte chu ngaihtuah telin, official language atan hian dan min phuartu a awm lo a, chuvangin official language pahnih neih hi a theih tho a ni, an ti bawk.

KAS hian Chief Minister chu Delhi-a an thil phut nawrna atana nawrh an huaihawt hnua an resolution siamte hriattirin, union home minister Amit Shah leh prime minister Narendra Modi hnena an thu thlente lo bawhzui turin an ngen bawk a ni.