Manipur HC chief justice atan Delhi High Court judge ruat

Delhi High Court judge, justice Siddharth Mridul chu Manipur High Court Chief Justice atan ruat a nih thu Ministry of Law and Justice chuan an puang.

Justice Siddharth Mridul hi Supreme Court collegium chuan thla thum liam ta khan Manipur High Court chief justice ni tur hian rawtna an lo siam tawh a ni.

Manipur High Court chief Justice thar ruatna hi special secretary to the government of India, Rajinder Kashyap chuan a tichhuak a ni. Union minister of state for law and justice, Arjun Ram Meghwal chuan Justice Siddharth Mridul a lawmpuina thu hi X-ah post-in, "Constitution-in thuneihna a pek angin India President-in Chief Justice of India-in a rawn anga Manipur High Court Chief Justice atana Delhi High Court judge, Justice Siddharth Mridul a ruat hi ka lawmpui em em a ni. A hnathawh turah duhsakna sang ber ka hlan bawk e," tiin a tarlang.

October 9 khan sorkar laipui chuan Manipur High Court hi Chief Justice thar dah a nih tur thu a hriattir tawh a, file tihfel vek a nih tawh thu leh dan anga thil tihfel thuai a nih tur thu a lo hrilh tawh a ni.