Pawn lam mi Manipur-a hna zawngte dodal

Manipur zirlai pawl chuan state pawn lam mite hna 82 zeta dil phal-sak an nih vangin hna lakna exam boycott leh Ma-ni-pur Public Service Commi-ssion kharah an vau.

Joint Students’ Coor-dination Committee (JSCC) convener Jayanta Khuman chuan, 'Zirna ṭha zawk aṭanga zirchhuak state pawnlam mite chu Manipur-a hnaruak 82 ah exam phalsak an ni' a ti.

Manipur Public Ser-vice Commission chuan online hmangin sor-kar hna 82 ah dilna hun an hawng a, heng hnate hi February 28 ah exam a ni ang. Joint Students’ Coordination Committee (JSCC) aiawhte hian Inrinni khan Education Minister Moirangthem Okendra hmuin, tidanglam turin an ngen a, minister hian a lo bawhzui tur thu leh siam danglam dan a zawn tur thu a hrilh.

Khuman chuan hna dil 35,000 zinga 17,000 chu state pawnlam mi an nih thu sawiin, hmarchhak state dang ang thoin tualchhung ṭhalaite tan hei hi a him lo a ni, a ti.

Nagaland ah chuan hna ruak zaa 80 chu tualchhung mi tan hauhsak an ni a, Mizoramah chuan hna dilin Mizo ṭawng an thiam tel tur a ni tih a ni. Hetiang ang invenna hi Manipur-ah a awm lo tih Khuman chuan sawiin, pawn lam aṭanga diltu te hian Manipur tualchhung ṭawng an thiam loh vangin hna thawh hunah mipui tan dawr a buaithlak thei dawn niin a sawi.

Manipur-ah hian lehkhathiam hna nei lo mi 7,50,000 zet employment exchange-a inziaklut an awm.