Nagaland sorkar sumah indaih lo

Nagaland Pradesh Congress Committee (NPCC) thuchhuakin a tarlan danin tunlai hian Nagaland sorkar chu sum leh paiah a pachhe hle.

Nagaland sorkar hian an rama sorkar hnarthawk te hlawh a pe theilo a, nitin mipui mamawh a harsa a, Integrated Child Development Services, tar pension hlawh leh flagship scheme hrang hrangte mumal taka kalpui a ni lo tiin NPCC chuan a tarlang.

NPCC te chuan an ram hruaitute chu khawvel hmun hrang hrangah sum tam tak sengin an zin tih sawiin, sorkar chu he mi chungchang chingfel vat tur leh sum dinhmun siamṭha vat turin an phut a ni.