Tlangmi martarte vui hun tikhawtlai leh

Manipur Assembly in nikuma bill pathum an pass duh loh vanga buaina thlenga thi, martar pakuate vui hun atana February 13 ruat chu Kuki lam pawl hrang hrangin an duh loh vangin nimin thlen khan vui an la ni lo.

Kuki hel pawl pahnih - Kuki National Organisation (KNO) leh United People’s Front (UPF) ten February 7-a Churachandpur JAC, JPO leh Inpi group ten inrawnkhawmna an neih ṭumin February 13-ah martarte hi vui mai nise tiin thutlukna an siam tawh a ni.

Mahse Kuki pawl hrang hrangte chuan heng martar pakuate vui tura rawtna awm chu an pawm lo a, KNO erawh chuan inrawnkhawmna neih ṭum hian martarte hi February 13 a vuiliam turin rel tel a nilo a, a hun hi tlawmngai pawl dangte rawn phawt tura tih a nih thu an sawi.

Heng martarte hi Churachandpur district hospital-a ruang dahnaah vur hmanga la vawn ṭhat reng an ni. Churachandpur JAC leh Kuki tlawmngai pawl hrang hrangte chuan Bill pathumte hi hnuhlet phawt an phut a ni.

KNO chuan February 13-a vui hi KNO president PS Haokip rawt a ni a, tlawmngai pawl dangin an pawm vek niin an sawi thung.