Assam sorkarin Durga Puja puala pandal sakte ṭanpuina pe dawn

Chief minister Himanta Biswa Sarma kaihhruai, Assam state cabinet meeting, Guwahati-a neih zawh takah Assam sorkar chuan state chhung hmun hrang hranga Durga Puja puala pandal sak 6,953 te hnenah pandal sak ṭanpuina atan Rs. 10,000 an pe dawn tih an puang. Cabinet rorel thuchhuak hi tourism minister Jayanta Mall Baruah chuan a puang a ni.

Baruah chuan state cabinet-in an pawm angin cabinet minister-te chu December 25 leh January 10, 2024 chhungin ni 5 leh zan 5 khawi khua emaw berah chamin, heng hmunahte hian high school leh higher secondary school thar 400 sakna tur lungphum an phum dawn tih a sawi. Heng school 400 zinga 100 te hi tea garden area-a school thar hlak dinna turte an ni. Cabinet chuan a ram mi chhungkaw 123, ram nei lote tan ram pek an nih tur thu sawi bawkin, urban area-a Mission Basundhara 2.0 hnuaiah Charaideo chhungkaw 105 leh Darrang chhungkaw 18 te tan ram pek a nih tur thu hi a sawi bawk a ni.