Assam-in khawkheng ṭanpuina dawng dawn

Union Home Minister Rajnath Singh-a kaihhruai High Level Committee (HLC) chuan Central Assistance aṭangin ram chhunga khawkheng tuarte ṭanpuina pekna tur a pawm. Heng zingah hian Assam sorkar hnenah khawkheng ṭanpuina tur cheng vaibelchhe 332 a tel.

High Level Commi-ttee-ah hian Union Mi-nister for Finance, Cor-porate Affairs and Information and Broadcasting, Arun Jaitley, Union Home Secretary Rajiv Mehrishi bakah home minitry, Agriculture leh Finance-a senior officer-te an tel.

High Level Committee hian ṭanpuina pek tur an tihfel hma hian central team in khawkheng tuar state an endikna report an zirchiang phawt a ni. HLC hian ṭanpuinate hi National Disaster Relief Fund (NDRF) atan Andhra Pradesh hnenah Rs Vbc 280.19, Himachal Pradesh tan Rs Vbc 170.19, Nagaland tan Rs Vbc 16.02, Jharkhand tan Rs Vbc 336.94, Rajasthan tan Rs Vbc 1177.59 leh Tamil Nadu tan Rs Vbc 1,773.78 an pawm a ni.

HLC-in National Disaster Relief Fund (NDRF) hnuaia ṭanpuina sum pek tura a thlan zingah Nagaland chu telh a ni bawk. NRDWP kaltlang hian thingtlanga tui in tur pekna thuam ṭhat nan state sorkar hnenah sum pek a ni bawk. Sorkar laipuiin a pawm takah hian NDRF kaltlanga state pasarih tana sum a pekchhuah tur zawng zawng chu cheng vaibelchhe 4,000 a ni a, Nagaland-in cheng vaibelchhe 16.02 an dawng ang.

NRDWP kaltlangin cheng vaibelchhe li a hmu dawn bawk.