Gogoi-a'n Defence production unit din turin ngen

Assam Chief Minis-ter Tarun Gogoi chuan Defence Minister Ma-nohar Parrikar hnenah Assam ram chhunga ralthuam siamna, major defence production unit din turin a ngen.

Defence Minister hnena lehkha a thawnah, Gogoi-a chuan ralthuam siamna din belh chu hna siamna mai ni loin state chhung mipuite leh sipaiten inpawhna ṭha an neihna tura pawimawh tak a ni, a ti.

Gogoi chuan pawn lam aṭanga beihna leh tualchhung hel laka ram venhimna thawk tura ram chhung hmun hrang hranga sipai dah chu mumal viau mah se Assam ram chhungah ralthuam siamna a awm lo tih sawiin, silai, silai mu leh ralthuam dangte siamna hian state hmasawnna a thlen thei a ni, a ti.

" Assam ram chhunga defence production unit din a nih chuan Assam chu Make in India kalpuina kawngah hlamchhiah a ni lo tih a chiang ang a, ram himna thilah te leh ralthuam siam chhuah nan te, tualchhung aṭanga chher chhuah ngei ralthuam siamna din hi a ṭul a ni" tiin CM chuan a sawi.