JNU laka sorkar chet dan dem

Assama-a zirnain sang te chuan Jawaharlal Nehru University (JNU), Delhi chhunga buaina chhuak mekah sorkar laipui hmalakna chu ṭha an tih loh thu an sawi a. Sorkar chet dan chu India danpuiin kalh leh dikna chanvo rahbehna a ni Hiren Gohain chuan a tibawk.

Gauhati University professor thin Gohain chuan, "Mi tinin kan ngaihdan kan sawi chhuak thei a, kan duhdan sawi chhuak turin zalenna kan nei vek a ni" a ti.

JNU campus-ah hian zirlai pawl pakhatin kum 2001-a Parliament beitu Afzal Guru-a khaihlum a nih chungchanga sorkar an demna thu an aupui a, he hunah hian JNU students' unon president Kanhaiya Kumar chu a tel ve nia puhin, ram dodal zawnga che puhin man a ni.

Zirlai hruaitu man a nih danah hian university zirlaite lungawi loin nawrh an huaihawt zui a, zirtirtute pawhin an thlawp bawk.