Central aṭanga Assam state sum dawn a pung

Union Minister of Rural Development, Panchayati Raj Chaudhary Birender Singh chuan Assam state-in sorkar lai-pui aṭanga state hma-sawnna tur sum a dawn ṭhin chu tihpun a nih thu nimin khan a sawi.

Thuthar thehdarhtute hmaa thu a sawina-ah Birender Singh chuan, Tarun Gogoi-a kaihhruai Assam sorkarin, sorkar laipui aṭanga rural fund a dawn chu tih un a nih thu leh hmasawnna nasa zawk a thlen ngei a beisei tih a sawi.

Minister chuan, "Pra-dhan Mantri Gram Sadak Yojana (PMGSY) aṭanga state sorkarin sum a dawn chu cheng vaibelchhe184 aṭangin vaibelchhe 290-ah tih pun a ni. Inkalpawhna kawngpui km 810-a thui siam turah kumin January thla thleng khan km 287 siam zawh tawh a ni" a ti. Heng kawngpui sial mekte hian mihring chenna hmun 179 thleng tawhin, 338 pawh tura ruahman a ni.

Mahatma Gandhi National Rural Em-ployment Gurantee Act (MGNREGA) hnuaia Assam sorkarin sum a dawn pawh tihpun a nih thu Singh chuan a sawi. MGNREGA hnuaiah hian skill training kalpui mek a ni a, kum hnih hnu velah chuan an ṭangkaipui a rin thu a sawi bawk.