Manipur cabinet-in zir-tirtu post 2,000 siam remti

18th February, 2016

Manipur state cabinet chuan an state chhungah zirtirtu post 2,000 chuang siam belh a remti.

Thawhlehni-a cabinet meeting chuan School Education Department hnuaiah Primary teacher 1,582 leh Graduate teacher 419 lak thar a remti a, hei bakah hian JNIMS- contract staff nurse 48-te dah ngheh leh, regular staff nurs 234 lak thar a rel bawk.

Education and CAF & PD minister Moirangthem Okendro chuan Primary leh Graduate teacher-te hi National Council of Teachers Education (NCTE) rules anga lak an ni dawn tih a sawi a, mahse rules in a phut ang tlin candidate an mamawh zat an hmu lo a nih chuan, dan hi thlahdul theih a nih thu a sawi bawk.