Assam-ah hel 4 kah hlum an ni

Army intelligence leh Assam police tangkawp chuan Assam leh Aruna-chal Pradesh inrina Tinsukia leh Changlang inkarah hel mi 4 an that. An zinga pathum hi Naga hel pawl pakhat National Socialist Council of Nagaland NSCN (K) mi leh sa an ni a, pakhat hi United Liberation Front of Assam (ULFA) mi a ni thung.

Hel kut atang hian silai AK 56 rifle, pistol 2 leh a mu thahnem tak an man a ni. Heng helpawlte hian ramri kanin Myanmar-ah bu an khuar a, an inrelbawlna pawh a felfai hle niin security force-te chuan an sawi.

Army leh Assam police te hi an thu dawn bawhzuiin hel bei tur hian Thawhlehni zan khan an thawk chhuak a, Tinsukia district-a thingtlang khua Dilli Pathar daiah hel te hia an that ta a ni.