Manipur sorkarin MPSC rules siamṭhat remti

Manipur zirlai pawl hrang hrangte leh organisation ṭhen--khatte nawrna avangin Manipur sorkar chuan Manipur Public Service Commission Rules 1965 chu ennawn a, siamthat a remti.

The Students’ Coordination Committee (JSCC) leh pawlṭhenkhatte chuan Manipur Pub-lic Service Commission-in competitive examination a buatsaih ṭhinah ram leilung  faten hamṭhatna an chan theih nan nasa takin an bei mek a ni. Hmachhak state dangte anglo takin Manipur-ah hian ram leilung mite tana hamṭhatna tur hran siam a awm lo.

Tun hnaia sorkar hna 82 lak turah dilna 35,000 chuang a lut a, heng zinga 14,000 te chu Manipur khua leh tui nihna neilo an ni. Congress Legislature Party (CLP) chuan he thil chungchang hi Thawhṭanni khan an lo sawi ho tawh a, a dil thei chin criteria chu siamṭhat nise an ti a, February ni 28-a exam tura tih pawh sawn hlat an ni.

Eptu party MLA te chuan Assembly budget session-ah MPsC rules chungchang hi an lo au chhuahpui tawh a, session hi February ni 19-ah neih leh tur a ni dawn a, hetah hian Chief Minister O Ibobi Singh chuan Manipur Public Service Commission Rules 1965 hi ennawn a ni ang a ti.

Dan hi siam ṭhat a nih hma loh chuan hnalak tur hi kalpui a ni rih dawn lo nia sawi a ni bawk.