Police-te hrem turin phut

Naga Students’ Federation chuan Mani-pur Chief Minister O Ibobi Singh-a hnenah February ni 14-a Imphal-a an pawl member-te chungah mawi lo taka che, police duty-te chu hremna pe turin an phut.

NSF te chuan Mani-pur Chief Minister hnen-ah memorandum thehlutin an duhdan hi an thlen a ni. NSF President Subenthung Kithan leh Asst. General Secretary Kesosul Christopher te chuan police te chetdanah an lungawiloh thu an sawi a, mipuite lakah ngaihdam dil turin an phu. Police-te chuan mipuite venghim loin, an ti ralṭi zawk a ni, an ti. O Ibobi Singh pawh he lai biala lirthei che vel leh mipuite venhimna pe turin an ngen bawk.

Zirlai pawl chuan February 14 khan Manipur Police Comman-do team chuan Mantripukri, Imphal-ah Ukhrul-a Luli-Ngai-Ni hmang tura kal, NSF palait chu an lo dang a, ṭawngkam mawi lo taka ankhum bakah kut thlakahte an vau a ni, a ti. NSF official zinga pakhat chu kut an thlak a, an phone-te pawh an laksak niin an sawi bawk. Darkar khat leh a chanve vel zet an dan niin an sawi.