AP cabinet-in State Industrial and Investment Policy, 2020 siam ṭha

Arunachal Pradesh chief minister Pema Khandu kaihhruai state cabinet chuan Arunachal Pradesh State Industrial and Investment Policy 2020 siam ṭhatna chu pawmin, he policy hian Arunachal Pradesh chu invesment tihna atana hlawk tak hmuna siam a tum a ni.

Policy siam ṭhatah hian infrastructure changkang ber ber siam bakah tunlai technology mila thiamna lama hmasawn, hna siam belhna tura a hmunhma leh boruak pawh a ṭha ber tura siamte a tel a ni. Kawng hrang hranga ṭanpuina pek zingah industry lian leh investor-te hipna atana eng hman man tihtlem a, state sum leh pai leh hnathawk lak tamte pawm a ni bawk. He policy-ah hian tax lak tihtlem te, license ṭul zawng zawng hmun khata tihfel mai theihna te a tel bawk.

Arunachal Pradesh cabinet meeting hian state puma healthcare service a ṭhat zawk theih nan general duty medical officer leh specialist te dah leh sawn kualna tur policy pawh a pawm a ni. Solid waste management chungchang te, Arunachal pradesh Real Estate (Regulation & Development) Rules, 2020 siam ṭhatna te, thingtlang leh khawpuia tui semna enkawl leh siam te, leh ramngaw leh nungcha humhalh nana Special Tiger Protection Force (STPF) dinna te an pawm bawk.