Tripura : Pradyot lakah FIR thehlut

Nagarik Surakhsha Manch chuan Tripura lal thlah leh Congress hruaitu hlui, Pradyot Manikya Debbarman chu an state chhunga Citizenship Amendment Act (CAA), 2019 duh lohna lantirna kal zelah,  inhuatna chawk  tho zawnga thiltiah puhin a lakah FIR an thehlut. 

Nagarik Surakhsha Manch hruaitu Diptanu Debnath chuan tunhnaiah Pradyot Debbarman hian hnam ṭhenkhat bei zawngin thu a sawi a, anmahni avangin Tripura-a tribal te chu minority an nih phah tiin a sawi a ni, a ti. Hetianga hnam leh sakhaw bil chungchang a sawi hian boruak ṭha lo zawk a chawkchhuak thei a, state chhunga hnam leh sakhaw hrang hrangte inkar a tichhe thei a ni, a ti. 

Debnath chuan an pawl chuan Kanchanpur police station-ah FIR hi an thehlut tih a sawi. Kanchanpur-ah chuan kum 1980-a tualchhung buaina a thlen lai pawh khan leilung fate leh non-indigeneous te pawh inlungrual takin, boruak muanawm tak hnuaiah an awm reng a ni, tiin a sawi.