BJYM ten Rahul Gandhi-a lim an hal

Arunachal Pradesh-a Bharatiya Janata Yuva Morcha (BJYM) party chuan Nilaini khan Delhi-a Jawaharlal Nehru University (JNU) chhunga buaina sosang zelah, Congress vice president Rahul Gandhi'n zirlaite thlawp zawnga thu a sawi chu an duhlo tih sawiin, Rahul Gandhi a lim chu an hal.

BJYM State president Dugh Saha chuan JNUSU president-in India dodal zawnga a thusawi, Rahul Gandhi'n a thlawp chu an dem thu a sawi. BJYM te chuan buaina a inlum mek lai a, an buaina remchanga hmanga vote zawngah Rahul Gandhi chu an puh a ni. India do zawnga thusawia puh JNUSU hruaitu Kanhaiya Kumar chu National Security Act hmanga hrem ngei an phut tih an sawi bawk.