Shillong Airport zauhna tur sawiho

Meghalaya Transport Minister H D R Lyngdoh kaihhruaiin transport department hotute chuan Umroi hmuna Shillong Airport siam mek zauhna tur chungchang leh Mawiong hmuna Inter-State bus terminus sak zauh dan tur an sawiho.

Airport Director Sanjay Tyagi chuan airport zauh hna thawh mek dinhmun a sawifiah. Meghalaya High Court-chuan thuneitute hnenah airport zauhna tur ram mamawh defence ram, acre 31a zau chu an kuta lak a nih theih nan hma la turin a hriattir tawh a, hemi bawhzui hian Lyngdoh chuan Airport hi thla hnih kalta khan a tlawh nghe nghe a ni.

Khawchhe hnuaiah leh zan lama thlawhtheihna ten ṭum kawng an zawh dik theihna tur Instrument Landing System bun chungchang pawh minister hnenah hian tarlan a ni.

Cheng vaibelchhe 48.31 senna tur Umiam Lake bul Mawiong hmuna Inter-state bus terminus sak mek pawh minister hian a hmunah a tlawh tawh a, North Eastern Council (NEC) chuan hemi sak nan hian Cheng vaibelchhe li an pechhuak tawh a ni. ISBT hi peihfel a nih hun chuan bus 200 chuang ding thei tura beisei a ni.