AGP leh BJP thawk dun dawn lo

Assam-a Asom Gana Parishad president Atul Bora leh a hote chuan Nilaini khan Guwahati-ah party meeting an nei a, assemby inthlan lo awm turah BJP party nen an thawk dun dawn lo tih an sawi.

AGP general secretary Ramendra Narayan Kalita chuan, "Inthlan lo awm tura party hmasawnna tur chungchang leh thawh dun dan tur sawiho a ni" a ti. AGP party leh BJP party te chu thawh dun tumin an lo indawr tawh a, nimahsela seat insem danah an inrem theih loh avangin an thawk dun thei dawn ta lo a ni.

Meeting-ah hian an party manifesto, publicity leh campaign chungchang te an sawiho bawk. Asom Gana Parishad (AGP) hian member 50 awmna committee an din nghal a, member-ah hian party president ni lai Atul Bora, president hlui Pra­fulla Kumar Mahanta, Brindaban Goswami leh Thaneswar Boro te bakah, AGP Le­gislature Party Leader Phani Bhusan Choudhury, leh party general secretary zawng zawng te, party MLA, Nurul Hussain, Rekharani Boro leh mi pawimawh dangte an tel a ni.