JCILPS ten campaign tan

Manipur-a Inner Line Permist hmang phut hma la tu, Joint Committee on Inner Line Permit System (JCILPS) chuan an state-a ILP chungchanga Assembly-in bill pathum a lo pass tawh, sorkar laipuiin a ngawihbopui avanga an lungawi lohna tur campaign an ṭan.

Sorkar laka lungawi lohna lantirna campaign hi Imphal-a Keishampat Junction-a poster tarin bul an ṭan a ni. Committe chuan state chhung hmun hrang hrangah poster campaign hi neih chhunzawm zel an tum a, hei bakah hian vantlang inkhawmte pawh buatsaih an tum bawk.

Manipur State Assembly chuan kum 2015, August 31 khan bill pathum - The Pro-tection of Manipur People Bill-2015, Manipur Land Revenue and Land Reforms (7th Amendment) Bill-2015 leh Manipur Shops and Establishments (2nd Amendment) Bill-2015 te a lo pass tawh a ni. Heng bill-te hi President pawmpui tura state Go-vernor-in a thawn hnuah, Unoin Ministry of Home Affairs chuan a la tih-khawtlai sak mek a ni.

JCILPS hruaitu Khomdram Ratan chuan, bill pathum pass tawh, thla nga liam hnuah pawh hman theih a la ni lo cheu chu mak an tih thu leh sorkar a ngawi reng mai chu hriatthiam har an tih thu a sawi.