Nagaland Governor-in fimkhur turin chah

Nagaland Governor PB Acharya chuan," National Register of Citizens (NRC) kalpui mekah birth certificate lem hmang an awm tih thu kan dawng a, hei hi namnul mai chi a nilo, thil pawi tak a ni" a ti.

Assam Governor nihna chelh mektu chuan, "Nagaland mi leh sa ni silo,birth certifcate nei an awm a, heng birth certifcate siam saktu te hi zawn chhua hrem tur an ni" tiin a sawi.

Nagaland Raj Bhawan-in thuchhuah a siamah chuan,"Zirtawpni khan he mi chungchang-ah hian Chief Secretary Pankaj Kumar leh Home Commissioner Neihu C Thur te chu an inhmukhawm a, hmalak dan tur an sawiho a ni" tiin a tarlang. Chief Secretary chuan, "Supreme Court atanga hriattirna dawn bawhzuiin, irth certificate siam chungchanga dan zawm turte chu ngaipawimawh tura hriattir kan ni" a ti. Hei hian National Register of Citizens kalpui mekah nghawng thalo tak a neih theih thu leh ram himna tider thawng thei a nih thu tarlan a ni bawk.

Assam State Coordinator for NRC, Prateek Hajela pawhin Supreme Court-ah NRC buaipui mek chu hun a chep avangin documents zawng zawng uluk taka endik a harsat thu a lo thlen tawh a ni.