Silchar aṭangin Rel pali tlan tir dawn

Union Railway Minister Prabhakar Prabhu chuan kumin April thla aṭangin Silchar aṭanga rel pali tlan chhuah tir tum a nih thu a sawi.

Kar kalta Inrinni-a New Delhi pan tur Sampark Kranti Express’ a vailiamnaah he thu hi sawiin, minister chuan rail network hmangin hmarchhak bial pum chu thlunzawm an tum tih a sawi. He ruahmanna hnuaia an hmalakna pakhat atan April thlaah Silchar aṭangin rel thar pali tlantir an tum thu hi a sawi a ni.

Silchar aṭanga rel tlantir turte hi Agartala, Tinsukia, Mumbai leh Chennai pan turte an ni dawn a, hei bakah hian Silchar leh Guwahati inkarah rel tlan tir a ni bawk ang.