Shillong Airport Cheina tur sum tikhawtlai

Sorkar laipui chuan Umroi, Meghalaya-a Shillong Airport chei ṭhatna tur sum, North Eastern Council (NEC) hnena a pek tur a tikhawtlai.

NEC official-te chuan DoNER ministry hnenah cheng vaibelchhe 180 pe tura rawtna hi an thehlut tawh tih an sawi a, hei hi airport infrastructure thuam ṭhatna tur bakah runway zauhna tur atana tih a ni.

Mahse union ministry chuan NEC hnena project thawhna tur sum a pek tur hi 2016-17 budget-ah ruahman a ni dawn chauh tih a hrilh.

Hetihlai hian airport zauhna tura harsatna hrang hrang awmte chu Meghalaya High Court a inrawlh hnuah chinfel a ni tawh. High Court chuan nikum December thl akhan thuneitute hnenah airport zauhna tura ram mamawh, Defence ram acre 31 chuanga zau chu la turin a lo hriattir tawh a ni.