Assam-a AIIMS dinna tur ram tifel

Union Minister for Health and Family Welfare, JP Nadda chuan, Assam-ah All India Institute of Medical Sciences (AIIMS) dinna tur ram tih fel a ni thu a sawi.

He thu hi Pathianni-a Gauhati Medical College and Hospital (GMCH)-a super-speciality block dinna tur lungphum a phumna-ah a sawi a, he mi chungchang hi State Health Minister Nazrul Islam nen pawh an sawi dun a ni.

Guwahati Medical College and Hospital (GMCH)-a super-speciality block, Pradhan Man-tri Swasthya Suraksha Yojana (PMSSY) hnuaia din turah hian pediatrics surge-ry, haematology, gastroenterology, gastrointestinal surgery, endo-crinology leh plastic surgery te chu kum hnih hnuah a hman theih dawn a n, a ti.

AIIMS hi India ram state 9-ah din a ni tawh a ni.

Assam-a AIIMS dinna hmun tur hi state sorkarin hmun pathum Dimoria Mouza (254 acres), Kamalpur revenue circle (214 acres) and Shahari Mouza of Raha (198 acres) te a lo enfiah tawh a, acres 98 a zau Kamalpur revenue circle, Kamrup district chu AIIMS dinna hmun a tan hian an thlang fel ta a ni. Union Minister for Health and Family Welfare, JP Nadda chuan hma lak nghal thuai a nih tur thu a sawi.

Union Minister chuan sorkar laipui aṭangin district hospital pahnih Nagaon, North Lakhimpur leh Dhubri te chu medical college-ah hlankai a ni tur thu a sawi a, hemi atan hian cheng vaibelchhe 189 ve ve ruahhman a ni a, cheng vaibelchhe 22 chu state sorkar hnenah pek a ni tawh a ni, a ti bawk. May 2014
aṭang khan cheng vaibelchhe 1,567 chu National Health Mission (NHM) hmalakna hnuaiah Assam state tan hian pek chhuah a lo ni tawh bawk.