ZYF ten ‘anti dev’ policy dodal chunzawm

Manipur-a Zeliangrong Youth Front (ZYF) te chuan Manipur Deputy Chief Minister Gaikhangam Gang-meiGaikhangam Gang-mei chu hmasawnna khairuallo chungchangah an dem thu an sawi.

Thuchhuah siamin ZYF chuan nawrh leh kawngpui dante chu hmasawnna daltu a ni lo a, remna leh muanna siamna tur kawngah nghawng a nei, an ti. Hei hi depu-ty chief minister hian a hrethiam lo a ni, an ti bawk.

Tamenglong district-ah hian February ni 17
aṭanga February 22 thleng khan “anti development po-licies,” duhlohna lantirin sorkar office te khar a ni. ZYF te chuan January ni 24 khan chief minister hnenah memorandum thehlut tawhin, Deputy Commissioner office leh district level Allied Office te chu District Secretariat ah ni 15 chhunga sawn turin an lo ngen tawh. District Secretariat hi November 3, 2011 khan peihfel niin Union Home Minister P.Chidambaram chuan a hawng tawh a ni.

Tamenglong district chhunga mipuite tana hmasawnna tur sum, cheng vaibelchhe tam tak sorkar laipui aṭangin pek an ni a, hei hi mipuite pawhin an hria a, mahse state sorkarin contractor mi tlemte hnenah heng sumte hi pein mipuite tana hmasawnna tur tluan tling engthil mah thawh a ni lo tiin ZYF chuan a tarlang. Hei hi hmasawnna a ni lo a, mipuite rahbehna a ni tih thu ZYF chuan a sawi bawk.

ZYF chuan Tamenglong district-ah hian hun rei tawh tak aṭang khan hmasawnna hmuh tur a awm tawh lo a, hei hi state sorkarin a ngaihthah vang a ni, a ti. State sorkar chuan phaizawla chhengte chauh a ngaihsak a, hei hi state sorkarin rualkhai taka hmasawnna kalpuina tur “equal development policy” au hlaa a hman mek nen a inpersan thu ZYF te chuan an sawi.