Yechury-an sorkar laipui a bei

Communist Party of India CPI(M) chuan Pathianni khan Sukreswar Ghat, Guwahati-ah party inhmuhkhawm a buatsaih.

He huna thusawitu pakhat, CPM general secretary Sita-ram Yechury chuan, Prime Minister Narendra Modi leh a thurualpuiten sorkarna an kalpui dan chu ṭha lo a tih thu a sawi. Nationalism chu BJP party chuan hmanrua-ah mai an hmang tiin, JNU campus-a thil thleng a punlun zel chungchangah mawhphurtu-ah a puh bawk.

Yechury chuan,"BJP party chuan India ram chu Hindu rindan leh ngaihdan angin her rem a tum a ni, Nationalism a kalpui dan chu German mi hrang Hitler'n fascism a kalpui ang mai kha a ni" tiin, "Zirlaite chuan zalenna 'Azadi' chu an duh ber a ni a, chu chu mi zawng zawng pawhin kan duh a ni. Hei hi sorkar laka helna a ni lo, ram leh hnam hmangaih vang a ni" a ti. Jawaharlal Nehru University thil thleng sawiin, zirlai hruaitu Kanhaiya Kumara-an India do zawngin thu a sawi nia puhna chu dawt a ni a, hei hi mi tam zawkin a dik tih an pawm mek a ni a ti bawk.

Left party-te chuan Jawahar-lal Nehru University hruaitu Kanhaiya sorkar laka hel tura midang fuih pawrha puhna chu hlip turin an phut bawk.