Governor-in fimkhur turin chah

Assam leh Nagaland Governor ni mek PB Acharya chuan Assam-a National Register of Citizens (NRC) neih mekah hnathawktu te chu fimkhur leh zual turin a chah.

Governor chuan, "Birth certificate leh document dik lo tam tak a awm tih hriat a ni a, heng danlo a thil tihtu te hming hi National Regis-ter of Citizens (NRC)-ah ziah luh a ni tur a ni lo", a ti.

The Assam Tribune-in an kawmna-ah Governor chuan,"Officer zawng zawng leh hnathawktu NRC-a inhnamhnawih te chuan uluk takin document te an endik tur a ni, hei hi Assam tan chauh ni lo, hmarchhak leh India ram tan pawh a ṭul a ni" a ti. National Register of Citizens kalpui meka hmalakna leh an hnathawh te endik tur hian sorkar laipui ah ngenna an lo thlen tawh a, hun a chep avang leh fimkhur a ngaih si avangin hnathawktu ten harsatna an tawh thu an lo sawi tawh a ni.