Manipur-ah security force- te'n ralthuam ṭhahnem tak man

Manipur security force-te chuan Imphal east district aṭangin ralthuam leh silai mu ṭhahnem tak an man tih Manipur police-te chuan an puang. Heng ralthuam leh silai mute hi Shantipur, Khamenlok leh Wakan area vel aṭanga man a ni a, Imphal East district chhunga awm an ni.

Ralthuam an man zingah hian silai 36 a tel a, AK 47/56 pathum awmin, carbine machine gun pali, SLR pasarih, hand grenade 82 leh silai mu leh puak thei thil 1615 a tel a ni. Heng bakah hian indona hmanrua eng emaw zat, bulletproof jacket te, walkie talkie set te man a ni bawk.

Manipur police-te chuan security force te'n hmun hlauhawm lo leh him lo zual nia an hriatte an dap thu sawiin, Kakching, Bishnupur, leh Churachandpur district te chu an dap nasat thu an sawi a,"Ralthuam zawn hna an thawhnaah hian heng ralthuam ṭhahnem tak hi Imphal East district-a awm, Wakan, Shantipur leh Sagolmang PS hnuaia awm, Khamen lok ruamah te an hmu chhuak a ni," tiin an tarlang.