TNL-in Manipur-a eng khawpui mah nih an duh lo

Manipur state assembly-a MLA, Ram Muivah-a'n Ukhrul chu Manipur nipui khawpui ni tura a duh thu a sawi hnuah, Tangkhul Naga Long (TNL) chuan eng Manipur khawpui mah nih an duh loh thu an puang.

TNL chuan,"Naga ram khaw pawimawh tak kan nihna hi kan hria a, kan pawm a, Manipur nipui khawpui emaw, khawpui pahnihna emaw nih hi kan duh ngai lo," tiin, TNL president, David K. Shimray chuan state cabinet meeting nena inbiakna an neih loh thu leh Tangkhul CSO ṭhenkhatin memorandum an theh luha an tel ve loh thu a sawi.

Ukhrul district-a chief minister N. Biren Singh a kal laia Tangkhul leh Meitei te unau anga a sawi chungchangah TNL chuan,"Tangkhulte thisen zawmpui sawi tur hian CM a ni emaw, mimal emaw ang pawhin engmah sawi theih a nei lo. Kan bul ṭhut en letin kan CM thusawi hi a dikna chen a awm maithei, mahse, Tangkhul hnam pumpui leh Meitei sawi zawm tum erawh chu thil dik lo a ni. Kan thlahtute leh kan history-te chu keimahni hian kan hre ve reng a ni," tiin an tarlang.