World War II hunlai ami Bomshell hmuhchhuak

Manipur-a ramri depa awm, Moreh bialah indopui pahnihna hun laia mi ni ngeia hriat bombshell 87 laih chhuah a ni. Power sub-station hmun tur an laihna-ah bombshell hi an lai chhuak a ni.

Senior Police officer chuan,"Indopui pahnihna hun laia an bomhy hman ni ngeia hriat hi, Pathianni khan Moreh-a Chanou khua-ah hnathawktu ten an lai chhuak a ni" a ti. Chanou khua hi Manipur leh Myanmar inrina laia awm a ni.

"Bombshell chhar hi Japan sipai ten kum 1944-a Manipur vela an chettlatna vela an hman ngei niin a lang" tiin police officer chuan a sawi. Bombshell hmuh a nih ve leh hian state force te hriattir an ni a, hnathawh pawh hun reilote chhung tawp lai lawk a ni. Thawhtanni zing khan Imphal atangin bomb expert te kalin an la chhuak a, Moreh police station ah endik turin an dah. Kum 1944 khan Manipur-ah hian Japan sorkar leh India leh British ṭangkawp te chu an lo indo chiam tawh a, a hmingah ‘Battle of Imphal’ an vuah.