Manipur Assembly-ah eptu MLA-te chhuak tau

Manipur Asssembly Budget Session neih mekah eptu party, BJP MLA te chu speaker thu-thlukna siam danah lungawi loin an chhuak tau.

Thawhlehni khan budget session-ah kum 2015-16 chhunga an sum mamawh chungchang an sawiho a, hetah hian Th Lokeshwor-a thutlukna siamah hian eptu lam chu an lungawilo a ni.

BJP member Kh Joykishan leh Th Bishworjit te chuan, Public Works Department (PWD) tana sum mamawh thlen chu assembly-ah sawifiahna leh sawiho-na mumal awm loin pass a ni, an ti.

Eptu lam chuan PWD hian state sum chu national highway tih changtlun nan an hmang niin an sawi a, hei hi thil dik lo niin sorkar laipui sum hmanga enkawl tur a ni, an ti.

Manipur-ah hian kawngpui engemaw zat chu Central Public Work Department (CPWD)-in siam dan tur a tih anga siam loh a awm. Hna then khat chu zawh a nih hma leh, a nih tur anga peih pel a nih hmain sum lak chhuah a ni Joykishan chuan a tibawk. State PWD chu thuneitute pawmpuina nei lo chunga work order tichhuahah a puh bawk.

Chief minister, finance changtu ni bawk O Ibobi Singh chuan insawifiah tumin, thuneituten phalna an pek hnuah hna thawh tur chu tihchhuah chauh a ni, a ti. Hna thawh
ṭhenkhat thawh ṭan theih a nih hmaa thawh ṭan te, sum ruahman zat tih fel hmaa thawh ṭan nia sawi chu thu dik lo a ni, a ti. Ibobi-a kaihhruai sorkar hnuaah rorellai party chu party dangte thu ngai chang lo leh, thuneihna uchuak taka hmangah eptu lam chuan an puh a ni.