NDA sorkarin hmarchhak harsatna hrethiam lo- Sangma

Meghalaya Chief Minister Mukul Sangma chuan,"BJP kaihhruai NDA sorkar chuan hmar-chhak state te harsatna a hrethiam lo" a ti.

Mukul Sangma chuan sorkar hmasa, Congress kaihhruai UPA-in East Khasi Hills, South Garo Hills leh West Khasi Hills-ah ramri hung belhna tur ruahmanna a siam chu NDA sorkar lai a ngaihthah a ni, a ti bawk. He mi atana sum sen ngai zat chanve chu pek chhuah tawh nia sawiin, hmalakna kal muang lutuk chu ramri depa awmte ngaihthahna a nih thu Sangma chuan a sawi. Prime Minister Narendra Modi-a kaihhruai sorkar chuan hmarchhak biala hmasawna tur ruahman sa engemaw zat chu a sut leh niin Meghalaya CM chuan a sawi. Hei hian sum leh pai, insumdawn tawnna bakah hmasawnna nasa takin a titṭhuanawp a ni, a ti.

Ri Bhoi district-ah cheng vaibelchhe 10 chu hmasawnna kalpui nan Border Region Grant Funds (BRGF) hnuaiah hmuh a nih thu sawiin, he project hi tunah chuan tih tawp niin, engmah lo maiah a chhuak a ni, a ti.