Manipur BJP ten JNU thil thleng dem

Manipur BJP unit chuan Thawh-lehni khan New Delhi-a Jawarhalal Nehru University (JNU)-a ram leh sorkar dodalna thu sawi a nih avanga JNU zirlaite buaina thlen chu an dem thu an sawi. Manipur BJP Mahila Morcha president RK Pramodini chuan,"Mi tupawhin midangte fuihpawrh zawnga 'anti-nationalism' chungchang zirna-ina sawi chhuah a ni chu kan dem a ni" a ti. Mi dik tak chuan hetianga thil titute hi an dik lo a ni tih an hria ang, heng mite hi ram leh hnam tana mi hlauh awm tak an ni, a ti bawk.

Parliament beitu, firfiak Afzal Guru hriatrengna inkhawma an thu sawi hian zirlaite riru sukthlek a hruai danglam nia ngaih theih turin, Jadavpur University West Bengal zirlaiten an campus-ah Kashmir tan independence an ngensakna thu leh Manipur-ah remna leh muanna a awm an duh thu poster siamin an tar a ni.

Hetih lai hian Assam-ah pawh Thawhlehni vek khan, BJP zirlai pawl, Akhil Bharatiya Vidyarthi Parishad (ABVP) te huaihawtin kawng zawh a ni. Kawngzawhtute hian India flag kengin Afzal Guru hriatrengna inkhawma zirlai pawl hruaitu, India dodal zawnga thusawi nia puhte chu hrem ngei an phut thu an au chhuahpui. Heng kawngzawhtute hi ABVP member 500 leh an hruaitu Hari Barikar te an ni.