Gogoi-a'n MRTS dinna tur lungphum dawn

Assam Chief Minis-ter Tarun Gogoi chuan February 29 khian Khanapara-ah Guwahati tana Mass Rapid Transit System (MRTS) dinna tur lungphum a phum dawn.

Chief Minister hoa February 20-a state cabi-net ṭhukhawm chuan he mi atana Detailed Project Report (DPR) siam chu an lo pawm tawh a ni. Hei bakah hian cabinet chuan Guwahati Metro Rail Corporation Limited (GMRCL) pro-ject thawhna tur atana Special Purpose Vehicle (SPV) siam pawh a pawm bawk.

Heng project atan hian cheng vaibelchhe 18,020 ruahman a ni a, state sorkar leh sorkar laipui-in 20% an intum sem ang, chu chu cheng vaibelchhe 3,475 a ni. A bak cheng vaibelchhe 350 (2.01%) chu mipuiten an tum ang a, a bak zawng vaibelchhe 10,074 (57.93%) chu loan hmanga chhunzawm tur a ni.

Km 203-a thui metro corridor siam hna hi thawh thuma kalpui niin, kum 2045-a zawhfel tur aruahman a ni. A thawh khatnaa thawh tur, km 61.4 atana DPR chu buatsaih a ni tawh a, hei hian Dharapur-Narangi (km 22.6), MG Road-Khanapara (km 10), Jalukbari-Khanapar (km 19.4) leh ISBT-Paltan Bazar (km 9.4) te a huam ang.

GMRCL hi Assam sorkar kuta a awm dawn a, company neitu nihna hi sorkar laipui leh Assam sorkar-ten 50:50 in an insem ang. SPV hian MRTS project thawh leh enkawl hna hi a vil zui dawn a ni.