2017-ah Bogibeel lei peih fel dawn

Assam State BJP president Sarbananda Sonowal chuan, nimin khan hun rei tak tih-khawtlai tawh, Bogibeel lei dawh mek chu 2017-ah hman theiha peihfel hman tum a ni tih a sawi.

Union Minister ni bawk Sonowal chuan, "Inkalpawhna chu state-in hma a sawn zel theih nana thil pawimawh tak a ni a, Bogibeel project pawh hi zawh fel thuai a ni ang. Chak zawka hna thawh a nih theihna atan hian cheng vaibelchhe 500 sanction a ni" a ti bawk.

Sonowal chuan thu-thar thehdarhtute hma-ah thu sawiin,"Sorkarin a tum ber chu hmasawnna tluantling leh ruhrel din a ni. BJP sorkar chuan Assam chu India rama state thiltithei ber leh hausa taka siam a tum mek a ni" a ti. Tun hnai thla riat kalta chhung khan central-a BJP sorkar laipui chuan hmarchhak state te hamṭhatna turin project tam tak a siam a ni, a ti bawk.

Assam-ah hian cen-tral-a Congress kaihhruai UPA sorkar laia project siam hrang hrang zawh fel hman loh tam tak a awm a, heng zinga eng maw zat chu NDA sorkar hnuai-ah zawh fel niin, tunah hian hian thawh lai mek a awm bawk. Chung zingah chuan Jonai to Guwahati rel kawng te, Jonai to Tezpur, Silchar to Kolkata, Silchar to Delhi, Silchar to Guwahati leh Lumding kawng double track-a siam mek te a tel. Heng hnathawh mek te enpui tur hian February 27 hian Union Minister of Road Transport and Highways, Nitin Gadkari chuan hmarchhak a rawn tlawh dawn a ni.

Union Transport Minis-ter hian Moran thlun-zawmna tur Natio-nal Highway te, Lakhimpur-Kamalabari leh Dhakuakhana-Disangmukh inkal pawhna tur lei dawh te, Jorhat-Majuli bakah, Nagaon-Rangapara leh Ship Repairing Centre Pandu-a 4-lane highway siamna tur lungphumte a phum ang.