Nagaland-ah zirlaite learning level zirchiang dawn

Nagaland-a State Education Achievement Survey (SEAS) chuan National Council of Educational Research and Training (NCERT) in hriattirna a pek angin, November 3 aṭangin state chhunga school 1,643-a Class 4, 6 leh 9 zirlaite learning level a zirchiang dawn.

Zirlaite dinhmun zirchianna tura school thlan chhuah zinga 805 hi sorkar school niin, private school 800 leh central school 38 an tel bawk.

Survey-ah hian zirlai 36,833 chu zirchian an ni dawn a, field investigator 1,843 in he hna hi an thawk dawn a ni. He hmalakna atan district nodal officers, block coordinators leh field investigator-te chu tun thla chhungin a tahtawlin orientation neihpui an ni ang. October 20 khan one-day training session an lo nei tawh bawk a ni.