Tripura-in cyber crime police station nei dawn : CM Saha

Tripura chief minister Manik Saha chuan an state-ah cyber crime pual bikin police station siam a ni thuai dawn tih a sawi.

Chief Minister hian a kaihhruai sorkar chuan crime branch police station a din tawh thu leh, cybercrime police station pawh din tura hma a lak chhoh mek thu a sawi. Pawikhawihna nasa zualte buaipuitu tur, special task force pawh din a nih tawh thu a sawi bawk. Special task force atan hian mi 1,417 lak ni tawhin, an zingah hian hmeichhia 137 an tel.

"India rama state 28 zingah Tripura chu pawikhawihna thleng, crime rate hniamna ber a ni. Hei hi kan police-te he hnathawh ṭhat vanga thleng thei chauh a ni," a ti. Hemi rual hian ruihhlo hluar mek leh, ruihhlo avanga harsatna thleng ṭhinte chu tih rem tumin law enforcement agency lamte chuan theihtawp a chhuah mek a ni, a ti bawk.