Manipur : Thoubal district-a chenna tur in sak peih hnai tawh

Manipur tualchhung buaina thleng avanga in leh lo chante awmna turin sorkar chuan in a sa mek a, buaina chhuah nasat zualna, Thoubal district-ah chuan in sakte peihfel a ni hnai tawh a, water supply system lam buaipui mek a ni.

Thoubal district-a Yathibi Khunou-a temporory shelter an sakah hian chhungkaw 400 vel an awm thei dawn a ni.

Manipur chief secretary Vineet Joshi chuan Thawhṭanni khan he hmun hi tlawhin hna thawh mekte a endik a, PHE official-te'n an ṭawiawm bawk. Chief Secretray thurawn angin, complex chhungah hian tuichhunchhuah laiin water reservoir siam a ni ang.

May 3-a tualchhung buaina chhuak avanga tlanchhe zinga tam tak chu valley leh hill district-a relief camp 352-ah an la khawsa mek a ni. Imphal East district-a Sajiwa leh Sawombung, Imphat West-a Sekmai leh Bishnupur district-a Kwakta-ah prefabricated house sak chu zawh tawh niin, chhungkaw eng emaw zat a ninsawn lut tawh bawk.