Zelianga'n NSF-te an thiltih ngaihtuah chiang turin ngen

Nagaland Chief Minister TR Zeliang chuan, Naga Students Fede-ration (NSF) te chu an nawrhna kalpui mekin nghawng a neihte ngaih-tuah chiang turin a ngen.

NSF te hian an lung-awilohna lantir nan February ni 6 aṭang khan Naga hnam chenna bial chhungah Manipuri/Meitei lirtheite an dang, February 27 kalpui an tum.. Hei hi sorkar laka an thil phut nawr nana an tih a ni. February 26 zanlai thleng sorkar thu an ngaichang dawn a ni.

Chief Minister chuan NSF hruaitu Subenthung hnenah lehkha thawnin, an thil tih chu ennawna titawp turin a ngen a ni. Zeliang chuan NSF ten nawrhna an kalpui mek chuan state mipuite inkarah inhriatthiam lohna leh nghawng tha lo zawk a thlen ang tih a hlauh thu a sawi.

CM TR Zeliang chuan, "Ka ngaihdan-ah chuan nawrhna hian mipui nawlpui nun-phung a ngawng mek a, Manipur-ah mamawh chakkhai lamna nasa takin a nghawng a, hei hian Nagaland hmun tṭenkhat pawh a nghawng a ni" a ti. Naga Students Federation te hian Nagaland state-a lirthei Manipur register te dan tumin hma an la mek a ni.